20:39, 15 Қыркүйек 2021 | GMT +6
БҰҰ адамның бет-әлпетін тану жүйесіне мораторий жариялауға шақырды
ЖЕНЕВА. ҚазАқпарат – БҰҰ Адам құқығы жөніндегі жоғары комиссары Мишель Бачелет жасанды интеллект алгоритмін пайдаланатын бірнеше жүйені қолдануға мораторий жариялауға шақырды. Бұл туралы сәрсенбі күні Agence France-Presse жазды, деп хабарлайды ҚазАқпарат.
«Жасанды интеллект базасында технологияларды пайдаланудың салдарын айтып жеткізу мүмкін емес. Себебі, оларды жөнімен қолданбаса, олар адам құқығына әсер етуі мүмкін», - деп келтіреді агенттік Бачелеттің сөзін.
Бұл жерде адамның бет-әлпетін тану жүйесі және соған қатысты технологиялар туралы айтылған.
Женевада дүйсенбіден бастап БҰҰ адам құқығы жөніндегі кеңесінің 48-ші сессиясы өтіп жатыр. Ол 8 қазанға дейін жалғасады.