+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

БҰҰ: Адамдар жұмыс күнінің шамадан тыс ұзақтығынан зардап шегеді

2021 жылғы 18 мамыр 09:19
Бөлісіңіз:
БҰҰ: Адамдар жұмыс күнінің шамадан тыс ұзақтығынан зардап шегеді

НҰР-СҰЛТАН. ҚазАқпарат – Ұзақ жұмыс күні инсульт пен жүрек ауруына шалдықтырады және жылына жүздеген мың адамның өліміне әкеп соқтырады, деп хабарлайды ҚазАқпарат БҰҰ жаңалықтары агенттігіне сілтеме жасап.

Ұқсас жаңалықтар
Жапонияда белгісіз біреу бес адамға пышақ салған Әлемнің кейбір елдерінде вакциналау шаралары қалай жүргізіліп жатыр Арменияда парламенттік сайлаудың алдын ала қорытындысы жарияланды

БҰҰ-ның екі жетекші мекемесінің жаңа бірлескен зерттеуі көрсеткендей, көп жұмыс істеу кәсіби аурулардың қауіп факторына айналған.

Environment International журналында жарияланған зерттеуді Дүниежүзілік денсаулық сақтау ұйымы (ДДСҰ) және Халықаралық еңбек ұйымы (ХЕҰ) жүргізді. Бұл –жұмыс күнінің шамадан тыс ұзақтығынан болатын өлім мен ауруды жаһандық талдаудың алғашқы әрекеті.

Мәселен, 2016 жылы инсульт пен жүректің ишемиялық ауруынан 745 000 адам қайтыс болды. Олардың барлығы аптасына кемінде 55 сағаттан жұмыс істеген. Бұл көрсеткіш 2000 жылмен салыстырғанда 29 пайызға көп. Артық жұмыс істейтін адамдардың саны күн санап өсіп келеді және қазіргі уақытта әлем халқының 9 пайызын құрайды.

Сонымен бірге, зерттеушілер аптасына 55 сағат немесе одан да көп жұмыс жасайтындарда 35-40 сағат жұмыс істейтіндерге қарағанда инсульт қаупі шамамен 35 пайызға, ал жүректің ишемиялық ауруы қаупі 17 пайызға артатынын анықтады. Жаңа талдау COVID-19 пандемиясы кезінде жұмыс уақытын ұйымдастыру мәселесі көтерілгендіктен жүргізілуде.

«COVID-19 пандемиясы көптеген адамдардың жұмысын айтарлықтай өзгертті, – деді ДДҰ бас директоры доктор Тедрос Адханом Гебрейюс. – Қашықтан жұмыс жасау көптеген салада қалыпты жағдайға айналды. Көптеген кәсіпорындар ақшаны үнемдеу мақсатында жұмысты тоқтата тұруға немесе толығымен жабуға мәжбүр болды, ал жалақы алатын адамдар ұзақ жұмыс істеуге мәжбүр».

Сарапшылардың айтуынша, ер адамдар әйелдерге қарағанда жұмыс жүктемесі салдарынан жиірек өледі: олар жұмыспен байланысты өлімнің 72 пайызын құрайды. Шамадан тыс жұмыс жүктемесі, әдетте егде жастағыларға әсер етеді.

Мысалы, өлімнің көпшілігі 60-79 жас аралығындағы адамдар арасында тіркелген, олар 45 пен 74 жас аралығында аптасына 55 сағаттан артық жұмыс істеген. Сондай-ақ жұмыс салдарынан денсаулығы сыр беретіндердің ең көп бөлігі Батыс Тынық мұхиты мен Оңтүстік-Шығыс Азия аймағының тұрғындары екені белгілі болды.


Біздің каналымызға жазылыңыз:

#БҰҰ   #Әлем  
Бөлісіңіз:

Автор:

Гүлзат Ақжолова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059

MURAǴAT