Бұрқасын, көктайғақ: Синоптиктер бірқатар өңірде ескерту жариялады

None
АСТАНА. ҚазАқпарат – «Қазгидромет» РМК бірнеше өңірде ескерту жариялады, деп хабарлайды ҚазАқпарат.

Алматы облысының оңтүстігі мен таулы аудандарында тұман күтіледі. Солтүстік-батыстан соғатын жел солтүстік-шығыс бағытқа ауысып, екпіні 15-20 м/с құрайды.

Қызылорда облысында жел шығыстан соғады, облыстың орталығы мен шығысында күндіз екпіні 23 м/с артады.

Ақмола облысының солтүстігі мен батысында тұман болады. Оңтүстік-батыстан жел соғады, күндіз өңірдің солтүстігі мен батысында екпіні 15-20 м/с құрайды.

Түркістан облысының солтүстігінде, батысында, таулы және тау бөктерлі аудандарында солтүстік-шығыстан, шығыстан жел соғады, күші 25 м/с жетеді.

Шымкент қаласында солтүстік-шығыстан, шығыстан жел соғады, екпіні 15-20 м/с құрайды.

Күндіз Солтүстік Қазақстан облысының солтүстік-батысында жауын-шашын (жаңбыр, қар), көктайғақ, жаяу бұрқасын күтіледі. Түнде және таңертең облыстың оңтүстігінде тұман болады. Күндіз өңірдің басым бөлігінде желдің күші 15-20 м/с құрайды.

Күндіз Маңғыстау облысының солтүстігі мен орталығында шаңды дауыл күтіледі. Оңтүстік-шығыстан жел соғады, өңірдің солтүстігі мен орталығында жылдамдығы 15-20 м/с құрайды.

Түнде Павлодар облысының оңтүстігі мен шығысында тұман, көктайғақ болады.

Күннің екінші жартысында Қостанай облысының солтүстігінде жауын-шашын (қар, жаңбыр), жаяу бұрқасын, көктайғақ болады. Облыстың оңтүстігінде тұман күтіледі. Желдің күші – 15-20 м/с. Күндіз өңірдің басым бөлігінде 2-7 градус жылы болады.


Соңғы жаңалықтар