Қолданушы баптаулары
Қолданушы баптаулары
+7 (701) 759 90 19 Лента
USD 386.34 EUR 427.25
RUB 5.88 CNY 54.57
Jańalyqtar

Бурабайда швейцариялық стандарт бойынша туристік маршрут пайда болады

2019 жылғы 1 тамыз 02:10 182
Бөлісіңіз:
Бурабайда швейцариялық стандарт бойынша туристік маршрут пайда болады

КӨКШЕТАУ. ҚазАқпарат – Щучинск – Бурабай курортты аймағында швейцариялық «Burabay - Switzerland» стандарты бойынша туристік маршрут пайда болады. Бұған Ақмола облысының туристік саласы мен билік органдарының өкілдері және Швейцариядан келген қонақтардың осы мақсатта орнатылған белгі тақтайшаны ашу рәсімі арқау болып отыр, деп хабарлайды ҚазАқпарат тілшісі.

Ұқсас жаңалықтар
Қазақстанда алғаш рет өңірлер бойынша ауқымды халықаралық блог-тур өтеді Көлсай мен Шарында экологиялық туризмнің ілкі жобасы жүзеге асады Малайзия 1 қыркүйектен бастап елден ұшып кететіндерге салық салады

Салтанатты шара швейцарияның ұлттық музыкалық аспабымен орындалған сазды әуенімен ашылды. Сонымен қатар, қазақтың қара домбырасымен күй орындалды.

Жиналған жұрт алдында құттықтау сөз сөйлеген Қазақстан Республикасындағы Швейцария Конфедерациясының Төтенше және Өкілетті елшісі Урс Шмид екіжақты әріптестік байланыстың нығайып келе жатқанын атап өтті.

«Бүгін біз «Kazakh Tourism» ҰК» АҚ мен «Switzerland Tourism» компаниясы арасында әріптестік туралы қол қойылған меморандум шеңберінде алғашқы қадам жасап отырмыз. Біздің екіжақты әріптестігіміздің басты мақсаты, екі ел арасында тәжірибе алмаса отырып, туризмді дамыту және туристер санын арттыру. Осы ретте, біздер үшін «Қазақстандық Швейцария» аталатын Бурабай курортында бірлескен жобаны жүзеге асыру өте қолайлы. Қазақстанда ұзақ жылдар бойы Швейцарияның қырықтан астам компаниясы жұмыс істеп келеді. Швецарияда оқитын қазақстандық студенттердің 95 пайызы «Қонақүй туризмі» мамандығы бойынша білім алуда. Алдағы уақытта да екіжақты әріптестік байланысты дамыта беретін боламыз. Ол үшін барлық мүмкіндік бар», - деді Урс Шмид өз сөзінде.

Ал, аймақ басшысының орынбасары Марат Иғалиев мәртебелі меймандарға Ақмола облысы әкімі Ермек Маржықпаевтың сәлемін жеткізе келе, Щучинск – Бурабай курортты аймағындағы швейцариялық «Burabay - Switzerland» стандарты бойынша туристік маршруттың алғашқы белгісі Бурабайдағы Абылай хан алаңында орнатылып отырғанына ерекше тоқталды.

Сонымен қатар, шарада «Switzerland Tourism» компаниясының жаңа нарық және арнайы жобалар жөніндегі директоры Федерико Соммаруги, «Бурабай» МҰТС директорының орынбасары Азамат Баймұқанов және «Kazakh Tourism» ҰК» АҚ департаментінің өкілдері сөз сөйледі.

Айта кетейік, аталмыш меморандум аясында швейцариялық тарап Қазақстанның ұлттық саябақтары мен таулы жерлерінде жыл бойына туризмді дамытуға атсалыспақ. Әсіресе, шаңғы инструкторлары мен тау гидтерін даярлауда швейцариялық стандартты енгізу және бейімдеу қарастырылып отыр. Бұдан бөлек, екіжақты тур өнімдерді жылжыту, ақпарат алмасу және халықаралық әріптестікті дамыту көзделген.

Біздің каналымызға жазылыңыз:

Басты сөздер: Туризм, Ақмола облысы,
Бөлісіңіз:

Автор:

Аслан Оспанов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059

MURAǴAT