Бурабайда көл ортасында қалған елордалық құтқарылды

КӨКШЕТАУ. ҚазАқпарат – Ақмола облысының Ақылбай ауылы маңындағы Кіші шабақты көлінде Нұр-Cұлтан қаласының 51 жастағы тұрғыны құтқарылды, деп хабарлайды ҚазАқпарат тілшісі облыстық ТЖД баспасөз қызметіне сілтеме жасап.

Ведомствоның мәліметінше, ер адам үрлемелі матраспен суда жүзбекші болған. Алайда, қатты толқын оны көлдің ортасына қарай алып кеткен. Сол жерде ТЖД жедел құтқару жасағының құтқарушылары оны көріп құтқарған.

«Кіші шабақты көлінде патрульдеу кезінде құтқарушылар үстінде құтқару жилеті бар, жағаға жүзіп келе жатқан ер адамды көрді. 1969 жылғы ер адам үрлемелі матраспен жүзіп жүргенде оны толқын көлдің ортасына алып кеткен», - дейді ТЖД бастығының орынбасары Қанат Доспаев.

Ведомстводан атап өткендей, шомылу маусымы басталғаннан бері өңірдегі көлдерден 50 адам құтқарылды.