Бурабай тауында 53 жастағы әйел құлап, аяғын сындырып алды
2022 жылғы 3 шілде 11:53

Бурабай тауында 53 жастағы әйел құлап, аяғын сындырып алды

БУРАБАЙ. ҚазАқпарат – Бурабай ауданындағы Орлиное гнездо тауында аяғы сынған 53 жастағы әйел құтқарылды, деп хабарлайды ҚазАқпарат тілшісі.

Ақмола облыстық Төтенше жағдайлар департаменті баспасөз қызметінің мәліметінше, Щучье қаласынан келген 2 ересек пен 3 бала Орлиное гнездо тауын бағындырмақшы болған. Сол кезде 1969 жылы туған әйел құлап, аяғын сындырып алған.

«Құтқарушылар зардап шеккен әйелді 400 метр биіктіктегі ұзындығы 2 км болатын таудан зембілге түсіріп, жедел жәрдем көлігіне әкелді», – деді ведомстводан.

Айта кетсек, бұдан бұрын Бурабайдағы Үлкен шабақты көлінде демалушылар үш қызды құтқарып қалғанын жазған едік.


Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT