Қолданушы баптаулары
Қолданушы баптаулары
+7 (701) 759 90 19 Лента
Астана: 24 °С
Алматы: 27 °С
USD 339.95 EUR 392.64
RUB 5.30 CNY 52.51
Жаңалықтар

Бурабай курортының бірыңғай сәулет келбеті қалыптастырылуда

2018 жылғы 14 маусым 11:06 345
Бөлісіңіз:
Бурабай курортының бірыңғай сәулет келбеті қалыптастырылуда

КӨКШЕТАУ. ҚазАқпарат  - Ақмола облысында Бурабай курортының бірыңғай сәулет келбеті қалыптастырылатын болады, деп хабарлайды ҚазАқпарат тілшісі.

«Ақмола облысының інжу-маржаны - Бурабай курортының бірыңғай сәулет келбетін қалыптастыру бойынша жұмыстар атқарылуда. Орталық алаңда абаттандыру жұмыстары жоғары қарқынмен жүргізілуде. Оның ішінде жол жиегіне бедер тастар төселіп, гүлзарлар отырғызу жұмыстары аяқталуға жақын қалды. Сондай-ақ, қазіргі замаңғы талаптарға сай тамақтану орындары ашылуда», - деп жазды облыс әкімі Мәлік Мырзалин Фейсбуктегі жеке парақшасында.

Сонымен қатар, аймақ басшысы алдағы уақытта қоғамдық тамақтану орындары да көптеп ашылатынын атап өтті.

«Жақын күндері курорттық аймақта туристер арасында сұранысқа ие 20-дан астам street food павилиондарын ашу жоспарда бар. Қазірдің өзінде орталық жағажайға апаратын аллеяның бойында Бурабайға демалуға келген алғашқы туристерді кездестіруге болады. Жарықтандырылған көшелердің бойында орнатылған орындықтарда ақпараттық бағыт-бағдарлар мен «I love Burabay» белгісі қойылған. Мұнда жол, ғимараттардың сыртқы келбеті қалпына келтіріліп, маңайы абаттандырылуда», - дейді әкім. 

 

 


Басты сөздер: Аймақ, Ақмола облысы, Туризм,
Бөлісіңіз:

Автор:

Аслан Оспанов

Онлайн қызметкерлер
Редактор
Ербол Жанат
Ербол Жанат
954-059
Редактор
Айдар Оспаналиев
Айдар Оспаналиев
954-059
Мұрағат