+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Бурабай ауданында тауарлы-сүт фермасы ашылды – Ақмола облысы

2019 жылғы 18 қараша 05:15
Бөлісіңіз:
Бурабай ауданында тауарлы-сүт фермасы ашылды – Ақмола облысы

КӨКШЕТАУ. ҚазАқпарат - Ақмола облысының Бурабай ауданында тауарлы-сүт фермасы ашылды, деп хабарлайды ҚазАқпарат тілшісі.

Ұқсас жаңалықтар
Президент Жолдауын іске асыру: инвестиция және мал шаруашылығы өнімдерінің өндірісі Төлеутай Рақымбеков ауыл шаруашылығындағы ғылымды дамытудың жолын атады Жамбылда биыл қызылша жинаудан рекордтық көрсеткіш тіркелді

Атамекен ауылында «Б.Д.Әбдірахманов» жеке кәсіпкерлігі ашқан фермаға Ресей және Түркияда шығарылған барлығы 32,3 миллион теңгенің жабдықтары орнатылған. Мұнда сүтті өндіріп, салқындатуға және сақтауға болады. Шаруашылық меншігінде 109 жылқы, 480 бас ірі қара бар.

Шаруашылық басшысы Болат Әбдірахмановтың айтуынша, ол «Ауыл шаруашылығын қаржылай қолдау қоры» акционерлік қоғамы арқылы 500 бас симментал сиырларын сатып алған. Ал, мемлекеттен алған несиесінің бір бөлігін мал азығын дайындауға қажетті ауыл шаруашылығы техникаларын сатып алуға жұмсаған. Қалғанына қазіргі заманға сай жабдықталған бірнеше мал қорасын салған.

«Қазіргі уақытта сүтті бағыттағы 500-ге жуық сиырым бар. Одан алынған сүтті жеткізу жөнінде бекіткен келісімшарттарымыз бар. Жыл сайын сүт тапсыру көлемін де арттырып келеміз. Мемлекеттік қолдаудың арқасында шаруашылығымыз өз деңгейінде дамып жатыр. Ендігі жоспарым – мал басын көбейте түсу», – дейді шаруашылық басшысы Болат Әбдірахманов.

Нысанның ашылуына қатысқан Ғалымжан Әбдіқалықов тауарлы-сүт фермасын ашуда мемлекеттің бағдарламаның тиімді екенін атап өтті.

«Бүгінгі мемлекет тарапынан көрсетіліп отырған қолдау көмек жеткілікті. Соны дұрыс пайдаланып қалуымыз керек. Жалпы, етті мал шаруашылығынан гөрі, сүтті мал шаруашылығын қолға алған тиімді», – дейді Ғ.Әбдіқалықов.

Сонымен қатар, ол облыстағы кейбір сүт зауыттарының толық қуатына шықпай отырғанын айтып, тауарлы-сүт фермасын ашқан кәсіпкер сүт сатып алатын тұтынушы іздеп бас қатырмайтынын еске салды. Осыған орай, кәсіпкердің табысы да жоғары болады. Табыс көп болған соң жаңа техника алып, машина-трактор паркін қазіргі заманғы өнімділігі жоғары техникалармен жаңартуға да мүмкіндігі бар. Оны осы күні «Б.Д.Әбдірахманов» жеке кәсіпкерлігінің базасының аумағында тұрған қазіргі заманғы егіс құралдарынан-ақ аңғаруға болады.

Біздің каналымызға жазылыңыз:

Бөлісіңіз:

Автор:

Аслан Оспанов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT