+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Бұқтырма су қоймасына шомылған келіншек суға батып кетті

2021 жылғы 26 шілде 15:41
Бөлісіңіз:
Бұқтырма су қоймасына шомылған келіншек суға батып кетті

ӨСКЕМЕН. ҚазАқпарат - Бұқтырма су қоймасының жағасында тыйым салынған жерде шомылған келіншек суға батып кетті, деп хабарлайды ҚазАқпарат Шығыс Қазақстан облысы ТЖД баспасөз қызметіне сілтеме жасап.

Ұқсас жаңалықтар
Бұқтырмадағы демалыс базасынан шыққан өрт орманға жайылып кете жаздады Атырау облысында биылғы шомылу маусымында 28 адам суға батып кетті

Шығыс Қазақстанда демалатындар үшін сүйікті орын - Бұқтырма су қоймасы.

Облыстық ТЖД мәліметінше, Көкпекті ауданында қауіпсіздік шараларына сәйкес су жанында демалуға тек демалыс базаларында ғана рұқсат етілген. Алайда тұрғындар оқшау жерлерде, «жабайы» жағажайларда уақыт өткізуді жөн көреді.

Құтқарушылар мұндай жерлерде су түбінің ландшафтын білмеу қауіпі бар екенін атап өтті.

«Кейбір учаскеде су түбі көрінбейді. Су ағыны жағаны шайып, топырағын ағызып әкетеді, яғни бір жыл бұрын тізеден аспайтын жер қазіргі уақытта терең болып шығуы мүмкін. Демалу үшін осындай қауіпті учаскені таңдау тағы бір қайғылы жағдайға себепші болды.​ Кеше, Новостройка ауылында, Бұқтырма су қоймасының жағасында тыйым салынған жерде шомылып, 37 жастағы келіншек суға батып кетті», делінген хабарламада.

Облыстық ТЖД тұрғындарға рұқсат етілмеген су қоймаларына бармауға кеңес береді.

«Тек жабдықталған шомылу орындарын таңдау керек, онда су айдынының түбі алдын ала тексерілген және құтқарушылар бекеті бар. Суда демалуды таңдағанда сақ болыңыз. Балаларды қараусыз қалдырмау. Төтенше жағдай туындаған кезде 112 нөміріне хабарласу керек», делінген хабарламада.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059

MURAǴAT