+7 (701) 759 90 19
USD 376.16 EUR 406.18
RUB 5.90 CNY 53.60
Jańalyqtar

Бүкіләлемдік қар күні: елордалықтар қыс фестивалін атап өтті

2020 жылғы 19 қаңтар 16:40
Бөлісіңіз:
Бүкіләлемдік қар күні: елордалықтар қыс фестивалін атап өтті

НҰР-СҰЛТАН. ҚазАқпарат – Бүгін бас қалада «Бүкіләлемдік қар күні» фестивалі аясында балалар мен жасөспірімдер арасында шаңғы фестивалі ұйымдастырылды, деп хабарлайды ҚазАқпарат тілшісі.

Ұқсас жаңалықтар
Елордадағы Жастар сарайы бір жылға күрделі жөндеуге жабылады Ақмолалық палуан белбеу күресінен Қазақстан чемпионы атанды УЕФА ЧЛ: «Боруссия Д» «Пари Сен-Жермен» командасын тізе бүктірді

«Шараның басты мақсаты – бұқаралық спортты дамыту, екінші мақсаты – балаларға қысқы мереке ұйымдастыру. Оның үстіне біздің алдымызда бұқаралық спорт түрін 30 пайыздан асыру мақсаты тұр. Осы орайда бүгінгі бүкіләлемдік қар күні фестивалі қарсаңында балалар мен жасөспірімдер арасында шаңғы жарысын ұйымдастырдық. Биылғы бәсекенің ауқымы кеңейіп жатыр. Себебі фестивальге басқа өңірлерден қатысушылар қызығушылық танытуда. Атап айтсам, Ақмола облысы, Қарағанды және Қостанай облыстарынан арнайы келген шаңғышылар бар», - деді Нұр-Сұлтан қаласы Есіл ауданы әкімінің орынбасары Дәрменияр Қыдырбекұлы.

Оның айтуынша, шаңғы жарысына қатысушылардың ең үлкені 18-де болса, ең кішісі 2 жаста. Және жарыста 200-ге жуық бала мен жасөспірім өз бағын сынады.

«Бүкіләлемдік қар күні әлемнің 45 елінде аталып өтіледі. Нұр-Сұлтан қаласында бұл шара осымен 7 рет ұйымдастырылып отыр. Бұл бір жағынан бұқаралық спортты дәріптеу болса, екінші жағынан демалысты қызықты әрі пайдалы өткізу. Оның үстіне бұл отбасылық шара болып табылады. Сонымен қатар, қажет болған жағдайда жарысқа қатысушыларға шаңғы, бәтеңке, таяқ тегін берілді. Жарыстың ережесіне келсек, алты және одан кіші жастағы ең кішкентай қатысушылар шаңғымен 120 метр жүгіріп өтті, ал 16-18 жас аралығындағы ұлдар 5 шақырым қашықтықты бағындырды, сол жастағы қыздар 3 шақырымда бақтарын сынады», - дейді ол.

Сондай-ақ, ұйымдастырушылардың айтуынша, шара аясында көңілді жаттығу, дискотека және қысқы ойын түрлері ұйымдастырылды. Жарыс соңында жеңімпаздарға бағалы және естелік сыйлықтар табыс етілді.


Біздің каналымызға жазылыңыз:

Басты сөздер: Нұр-Сұлтан, Спорт,
Бөлісіңіз:

Автор:

Әли Ибраев

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT