Бүгін Шымкент қаласында ауа сапасы нашарлайды

ШЫМКЕНТ. ҚазАқпарат – «Қазгидромет» РМК 17 сәуір күнгі Қазақстан қалаларындағы ауа сапасы туралы айтты, деп хабарлайды ҚазАқпарат.

Синоптиктердің мәліметінше, жұма күні жағымсыз метеорологиялық ахуал Шымкент қаласында ғана күтіледі. Өзге шаһарларда метеожағдай нормада болады.

Қолайсыз метеорологиялық жағдайлар - атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.

ҚМЖ жағдайында елді мекендердегі атмосфералық ауаның сапасы нашарлауы ықтимал.