Бүгін Қостанайдың барлық мектептерінде сабақ болмайды

ҚОСТАНАЙ. ҚазАқпарат - Бүгін Қостанайда көктайғақ салдарынан мектептерде сабақ болмайды, деп хабарлайды ҚазАқпарат қалалық білім бөліміне сілтеме жасап.

«Ауа райының күрт бұзылып, көктайғақтың сақталуына байланысты білім басқармасы шара қабылдап, оқыс жағдайлардың алдын алу мақсатында 11 наурызда екі ауысымда оқитын барлық сыныптар үшін сабақ тоқтатылды», - дейді қалалық білім бөлімі.

Ал облыстық ТЖД бүгін өңірде көктайғақ сақталатынын хабарлады.