00:29, 18 Сәуір 2017 | GMT +6
Бүгін Қазақстанның басым бөлігінде жаңбыр жауып, тұман түседі
АСТАНА. ҚазАқпарат - Бүгін атмосфералық фронттардың өтуіне байланысты Қазақстанның басым бөлігінде жаңбыр жауады, оңтүстік-шығыста жаңбыр жауып, найзағаймен ойнайды деп күтіледі. Республиканың кей жерлерінде тұман түсіп, екпінді жел соғады.
Бұл туралы ҚР ІІМ ТЖК баспасөз қызметі хабарлайды.
Жамбыл облысында желдің жылдамдығы 15-20 м/с болады, күндіз желдің екпіні 23 м/с-ға дейін күшеюі ықтимал, кей жерлерінде тұман түседі.
Солтүстік Қазақстан облысында желдің жылдамдығы 15-20 м/с болады, күндіз желдің екпіні 25 м/с, түнде кей жерлерінде тұман түседі.
Ақмола, Қызылорда, Павлодар, Шығыс Қазақстан, Қостанай, Оңтүстік Қазақстан облыстарының кей жерлерінде желдің жылдамдығы 15-20 м/с-ға дейін күшейеді.
Шығыс Қазақстан, Қостанай облыстарының кей жерлерінде тұман, Оңтүстік Қазақстан облысының жекелеген аудандарында найзағай күтіледі.
Ақтөбе, Қарағанды, түнде Алматы облыстарының кей жерлерінде тұман күтіледі.