+7 (701) 759 90 19
USD 385.76 EUR 427.89
RUB 6.04 CNY 54.79
Jańalyqtar

Бүгін қазақстандық 2 жерсерік Space X кешенінен ұшырылады

2018 жылғы 4 желтоқсан 00:08
Бөлісіңіз:
Бүгін қазақстандық 2 жерсерік Space X кешенінен ұшырылады

АСТАНА. ҚазАқпарат - 2018 жылдың 4 желтоқсанында Калифорниядағы Ванденберг базасынан Falcon 9 Block 5 зымыран-тасығышын ұшыру жоспарланып отыр. Ол зымыран-тасығыш орбитаға шағын спутниктер мен кубсаттардың рекордтық санын алып шықпақ, деп хабарлайды ҚазАқпарат тілшісі.

Spaceflight SSO-A: SmallSat Express миссиясы барысында Falcon 9 зымыраны төменгі жер маңайындағы орбитаға әртүрлі коммерциялық және мемлекеттік ұйымдардың 64 ғарыш аппаратын жеткізуі тиіс. Олардың қатарында 15 шағын сптуник пен 49 кубсаты - ғарышты зерттеу үшін Жердің шағын жасанды спутниктері бар.

Кешенді ұшырудың тапсырыс берушілері 17 елдің (Австралия, Бразилия, Финляндия, Германия, Үндістан, Италия, Иордания, Қазақстан, Нидерланды, Польша, Оңтүстік Корея, Испания, Швейцария, Таиланд, Канада, Ұлыбритания, АҚШ) 34 операторы (25 компания) болып отыр.

«Аталған миссия компанияның және барлық америкалық зымыран-тасығыштардың тарихындағы сапалы жүктеме ретінде аппараттардың саны жағынан ең ірі ұшыру болады», - делінген Space X компаниясы сайтының «ВКонтакте» әлеуметтік желісінде.


Ұшырудың операторы Вашингтон штатының Сиэтл қаласында орналасқан Spaceflight Inc жеке әуе ғарыш компаниясы болып отыр.

Компанияның хабарламасына сәйкес, бұл ұшыру компания үшін тұңғыш ауқымды миссия болмақ.

Нақтырақ айтқанда, бұл құрылғылар - университеттік ғарыш аппараттары, байланыс ғарыш аппараттары, суретке түсіруге арналған ғарыш аппараттары, технологияның демонстраторлары, шығармашылық экспонаттар мен оқушылардың/студенттердің ғарыш аппаратттары.

Жалпы салмағы 4000 келілік спутниктер күн-синхронды орбитаға/ GEO - 575 шақырымға ұшырылады.

Шағын спутниктер мен кубсаттардың қызмет ету мерзімі 1 айдан 10 жылға созылады.

Алдағы ұшыру жайлы толығырақ ақпаратта спутниктерді орбитаға шығару процесі көрсетілген. Қажетті орбитаға жеткізілгеннен кейін миссияның алғашқы жүктемесінен бөлектенетін болады (әскери тапсырыс берушілердің аппараттары). Содан кейін жоғарғы платформа аппараттарымен бірге қос платформамен түйіседі.

64 спутниктің ішінде Қазақстан Республикасының екі ғарыш аппараты бар. Біреуі KazSTSAT - салмағы 100 келілік технологиялық маңызды спутник. Шағын спутник SSTL-X50 алаңында құрастырылған. Орбитаның биіктігі - 542 шақырым.

Спутникті 2015 жылдан бастап SSTL (Surrey Satellite Technology Ltd) ағылшын компаниясының базасында «Ғалам» бірлескен компаниясындағы қазақстандық мамандар құрастырған. Спутник табиғи апаттарға мониторинг жасау, ауыл шаруашылығына мониторинг жасау, судың сапасын анықтауға арналған.

Қазақстанның екінші ғарыш аппараты - салмағы 5 келілік KazSciSat 1 кубсаты. Оны «Ғалам» бірлескен компаниясы (LLP Ghalam) құрастырған. Ғылыми наноспутник Жердің магниттік аумағын өлшеуге арналған.

Авторы: Сара Қабиқызы

Біздің каналымызға жазылыңыз:

Басты сөздер: Ғарыш, Америка,
Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT