Бүгін елордада және 8 қалада ауа сапасы нашарлайды

НҰР-СҰЛТАН. ҚазАқпарат - «Қазгидромет» РМК 4 ақпан, жұма күнгі Қазақстан қалаларында қалыптасатын ауа сапасы туралы мәлім етті, деп хабарлайды ҚазАқпарат.

Болжамға сәйкес, қолайсыз метеорологиялық жағдайлар Нұр-Сұлтан, Алматы, Қарағанды (1-дәрежелі), Павлодар (1-дәрежелі), Теміртау, Шымкент, Риддер (2-дәрежелі), Семей (2-дәрежелі) және Өскемен (2-дәрежелі) қалаларында күтіледі.

Қолайсыз метеорологиялық жағдай - атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.

Қолайсыз метеорологиялық жағдай кезінде елді мекендердегі атмосфералық ауаның сапасы нашарлауы ықтимал.