+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

Бүгін елдің басым аумағында жауын-шашын күтіледі

2017 жылғы 29 наурыз 07:13
Бөлісіңіз:
Бүгін елдің басым аумағында жауын-шашын күтіледі

АСТАНА. ҚазАқпарат - Атмосфералық фронттардың өтуіне байланысты 29 наурыз күні республиканың кей жерлерінде, солтүстік және батыс аймақтарының басым бөлігінде жауын-шашын күтіледі.

Жекелеген жерлерде тұман, көктайғақ және желдің күшеюі сақталады, республиканың солтүстік, батыс аймақтарында бұрқасын, оңтүстік, оңтүстік-батысында шаңды дауыл, оңтүстік-батыс, оңтүстік аймақтарында найзағай күтіледі.

Атап айтқанда, Атырау, Маңғыстау облыстарында жел 17-22м/с күшейеді, Маңғыстау облысының кей жерлерінде шаңды дауыл болады.

Ақтөбе облысында жел 15-20 м/с артады, кей жерлерінде тұман, көктайғақ күтіледі. Алматы облысының Жалаңашкөл ауданында күндіз желдің екпіні 15-20 м/с жетеді.

Батыс Қазақстан облысының кей жерлерінде көктайғақ, бұрқасын болып, жел 17-22 м/с күшеюі күтіледі.

Солтүстік Қазақстан, Павлодар, Қостанай, Қарағанды, Ақмола облыстарының кей жерлерінде тұман, көктайғақ болады, жел 15-20 м/с күшейеді, Қарағанды облысында желдің екпіні - 23, Ақмола облысында 25 м/с артады.

Қызылорда облысының кей жерлерінде шаңды дауыл, найзағай болжанады, желдің жылдамдығы 15-20 м/с күшейеді.

Жамбыл облысында тұман, күндіз найзағай болып, жел 15-20 м/с күшейеді.

Шығыс Қазақстан облысының кей жерлерінде жел 15-20 м/с күшейеді, түнде және таңертең тұман болады.

Күндіз Оңтүстік Қазақстан облысының кей жерлерінде найзағай күтіледі.

Біздің каналымызға жазылыңыз:

Бөлісіңіз:
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059

MURAǴAT