+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Бүгін Алматыда бірнеше ғалым төсбелгілермен марапатталды

2014 жылғы 11 сәуір 13:43
Бөлісіңіз:
Бүгін Алматыда бірнеше ғалым төсбелгілермен марапатталды

АЛМАТЫ. ҚазАқпарат - Бүгін Алматыда бірнеше ғалым «Қазақстан Республикасының ғылымын дамытуға сіңірген еңбегі үшін» төсбелгісімен марапатталды.

Аталған құрметті белгіге еліміздің химия, математика, физика, биохимия, биология, тарих, философия ғылымы саласында тер төгіп жүрген 11 ғалым лайық деп танылды.

Олардың ішінде, Қ.И.Сәтбаевтың немересі, химия ғылымдарының докторы Әлима Жармағанбетова, биология ғылымдарының докторы Рауза Қонаева, химия ғылымдарының докторлары Марат Молдахметов, Григорий Мун, физика-математика ғылымдарының докторлары Юрий Нужнов, Станислав Харин, биология ғылымдарының докторы Марат Саятов, техника ғылымдарының докторлары Бақытжан Ахметов, Амандық Төлешов ҚР Білім және ғылым вице-министрі Тахир Балықбаевтың қолынан «Қазақстан Республикасының ғылымын дамытуға сіңірген еңбегі үшін» төсбелгісін алды.

«Бүгін елімізде ғылымның дамуына үлес қосқан ғалымдарды жеткен жетістіктері үшін марапаттап жатырмыз. Менің ойымша, бұл лайық берілген баға. Қазақстандағы ғылымның алар орнын Елбасы өз жолдауында айтып өткен болатын. Біздің экономикамыз ғылымға негізделген болуы керек. Бұл бағытта ҚР Білім және ғылым министрлігі үлкен іс-шара жүзеге асырып жатыр. Соңғы 3 жылда ғылым саласының қаржыландыру 2,5 есе өсті. Қазір ғылыми жобалардың тиімділігі мен нәтижелілігі, ғылымның экономикада көрініс беруі бірінші кезекке шығарылды», - деді ҚР Білім және ғылым вице-министрі Тахир Балықбаев.

Сонымен қатар, бүгін ҚР Білім және министрлігінің Құрмет грамотасымен техника ғылымдарының кандидаты Надия Юничева, биология ғылымдарының докторы Нина Гаврилова, биология ғылымдарының докторы Қайрат Өтеулин, физика-математика ғылымдарының докторы Дулат Жұмабаев марапатталды.

Біздің каналымызға жазылыңыз:

Бөлісіңіз:

Автор:

Гүлмира Ғосманәли

Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059
REDAKTOR
Үмбет Шолпан
Үмбет Шолпан
954-059

MURAǴAT