Бүгін Алматыда 49 сауда маркеті, 44 жанармай құю станциясы жұмысын бастады

АЛМАТЫ. ҚазАқпарат – Алматы қаласында ірі сауда маркеттері, базар, жанармай құю станцияларының жұмысы жандануда, деп хабарлайды ҚазАқпарат тілшісі.

Қалалық кәсіпкерлік және инвестиция басқармасының мәліметінше, 8 қаңтардан бастап «Тоймарт», «Magnum» және «Small» сынды ірі сауда маркеттерінің 28 бөлімшесі қайта ашылған. Бүгін тағы 49 филиал ашылып, тұрғындарға қызмет көрсетіп жатыр. Азық-түлік қоры жеткілікті.

Сонымен қатар азық-түлік өнеркәсібі саласындағы Ақсай НАН, Алматы ашытқы зауыты ірі кәсіпорындар жұмысын жандандырды. Сондай-ақ бүгіннен бастап 44 жанармай құю станциясы ашылды, ертең тағы 25-і іске қосылмақ.