Бүгін 7 қалада ауа сапасы нашарлайды

НҰР-СҰЛТАН. ҚазАқпарат – «Қазгидромет» РМК 19 қазан күні Қазақстан қалаларында күтілетін ауа сапасы туралы мәлімет ұсынды, деп хабарлайды ҚазАқпарат.

Сейсенбі күні қолайсыз метеорологиялық жағдай (дәрежесіз) Ақтөбе және Петропавл қалаларында күтіледі.

1-дәрежелі қолайсыз метеожағдай (бір немесе бірнеше ластаушы заттар концентрациясының рұқсат етілген шекті нормадан асып кетуі) Павлодар қаласында болжанады.

Қарағанды, Риддер, Семей және Өскемен қалаларында 2-дәрежелі қолайсыз метеорологиялық жағдай (бір немесе бірнеше ластаушы заттар концентрациясының рұқсат етілген шекті нормадан 3-тен көп асуы) қалыптасады.

Қолайсыз метеорологиялық жағдайлар - атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.

ҚМЖ жағдайында елді мекендердегі атмосфералық ауаның сапасы нашарлауы ықтимал.