14:54, 18 Қазан 2018 | GMT +6
Брюссельде Нұрсұлтан Назарбаев пен Бельгия Королінің кездесуі өтуде
БРЮССЕЛЬ. ҚазАқпарат - Бельгиядағы Корольдік сарайында Қазақстан Президенті Нұрсұлтан Назарбаевтың Бельгия Королі Филиппен кездесуі өтіп жатыр, деп хабарлайды «ҚазАқпарат» ХАА-ның меншікті тілшісі.
Тараптар саяси және мәдени-гуманитарлық салалардағы екіжақты қатынастардың басты аспектілерін талқылайтыны күтіледі.
Еске сала кетейік, Мемлекет Басшысы Брюссель қаласына «Азия-Еуропа» Форумының (АСЕМ) 12-ші саммитіне қатысу үшін келді. Сапар барысында Нұрсұлтан Назарбаев жоғары деңгейдегі бірқатар екіжақты келіссөздер өткізеді, сондай-ақ еуропалық іскерлік орта өкілдерімен кездеседі.