Брюссельде Қазақстаннан Еуропаға шикізат экспортының келешегі талқыланды

БРЮССЕЛЬ. ҚазАқпарат - Бейсенбі күні Брюссель баспасөз клубында «Қазақстан мен Еуропалық Одақ арасындағы тұрақты пайдалы қазбалар бойынша ынтымақтастықты дамыту» тақырыбында панельдік пікірталас өтті, деп хабарлайды ҚазАқпарат тілшісі.

Іс-шара еуропалық сарапшылар мен журналистердің, сондай-ақ Еуроинституттар қызметкерлерінің қызығушылығын тудырды.
Шараға Қазақстан тарапынан ҚР Индустрия және инфрақұрылымдық даму вице-министрі Марат Қарабаев, ҚР Индустрия және инфрақұрылымдық даму министрлігі «Технологиялық болжау ұлттық орталығының» басшысы Әл-Фараби Ыдырышев және Қазақстанның Бельгиядағы Елшілігі кеңесші-елшісі Тимур Сұлтанғожин қатысты.
Еуропалық тараптан Еуропалық Комиссияның Ішкі нарық, өнеркәсіп, кәсіпкерлік және ШОБ бас дирекциясының басшысы Питер Хэндлей қатысты.
Вице-министр М.Қарабаев жиналғандарды Бельгияға сапары туралы хабардар етті. Атап айтқанда, Қазақстан делегациясының басшысы Еуропарламенттің Өнеркәсіп, зерттеулер және энергетика комитеті төрағасының орынбасары Лина Гальвез Мунозбен кездесті.
Вице-министрдің айтуынша, тараптар Қазақстан мен ЕО арасындағы жасыл және цифрлық технологияларға көшу жағдайында шикізат саласындағы ынтымақтастық мәселелерін талқылады.
Сонымен қатар М.Қарабаев Мысырда өткен Климаттың өзгеруі жөніндегі жаһандық конференцияның (COP27) Дүниежүзілік көшбасшыларының саммиті аясында Қазақстан мен ЕО арасында тұрақты шикізат, «жасыл» сутегі құнын құру батареялары мен тізбектері саласындағы стратегиялық әріптестік туралы өзара түсіністік туралы меморандумға қол қойылғаны туралы хабарлады.
Меморандум аясында құжатты іс жүзінде жүзеге асыру үшін Жол картасын әзірлеу қарастырылған.
Еурокомиссия өкілі П.Хэндлей еуропалық тарап Қазақстанмен маңызды шикізатты импорттау саласында ынтымақтастықты дамытуға мүдделі екенін атап өтті.