+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

Брюссельде 1 қазаннан бастап карантин шаралары күшейтілмек

2020 жылғы 29 қыркүйек 09:26
Бөлісіңіз:
Брюссельде 1 қазаннан бастап карантин шаралары күшейтілмек

БРЮССЕЛЬ. ҚазАқпарат – Брюссель үкіметі коронавирус инфекциясымен күрес бойынша қатаң шаралар қабылдады, деп хабарлайды ҚазАқпараттың меншікті тілшісі.

Бұл бір апта ішінде Бельгияда енгізілген тыйымдарға қатысты болып отыр.

Бельгияның ұлттық қауіпсіздік кеңесі 23 қыркүйекте көшеде маска кию міндетін және кәсіби ұйымдастырылған кештердегі меймандар санына шектеуді алып тастады. Алайда Ұлттық қауіпсіздік кеңесінің бұл шаралары медициналық сарапшылардың наразылығын тудырды, олар корольдіктің қауіпсіздік органы олардың пікірін елемеді деп мәлімдеді. Фламандияның бес университетінің ректорлары да қарсы болды, олар өз студенттеріне карантиннің бұрынғы қағидаларын ұстануға кеңес берді.

Осыдан кейін Брюссель өңірінің үкіметі коронавирустың таралуына қарсы күресті күшейту үшін өз шараларын енгізуде. Брюссельдің министр-президенті Руди Вервурт аймақтағы дағдарыс тобының шұғыл отырысын шақырды, оның құрамына19 коммунаның мэрі, алты полиция аймағының басшысы, Брюссель округінің бас әкімшісі және бас прокуроры кіреді.

Жаңа талап бойынща, Брюссель барлары сағат 01:00 орнына 23:00-де жабылуы керек. Сағат 23:00-ден 06:00-ге дейін оннан астам адамның жиналуына жол берілмейді. Тамақ пен сусын сататын барлық дүкендер 22:00-де жабылуы тиіс. Көше базарларында тамақтануға тыйым салынады.

Аталған шаралар 2020 жылғы 1 қазаннан бастап күшіне енеді. Қатаңдатылған жаңа шаралар Бельгия астанасында инфекциялар санының өсуіне байланысты. Қазіргі уақытта ел бойынша жаңа жағдайлардың орташа тәуліктік саны 1528,7 құрайды, Брюссельде ол кез келген провинцияларға қарағанда көп, яғни 2305 құрайды.


Біздің каналымызға жазылыңыз:

Бөлісіңіз:

Автор:

Гүлзат Ақжолова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT