Бразилиядағы президент сайлауы: бәсекеде - Лула мен Болсонаро

БРАЗИЛИЯ. ҚазАқпарат - Бразилияда жалпы сайлау сайлаушылардың поляризациясы аясында өтіп жатыр, деп хабарлайды ҚазАқпарат euronews.com сайтына сілтеме жасап.

Жалпы сайлау нәтижелері ел президентін, сондай-ақ штаттар мен федералды округтер губернаторларын анықтайды, депутаттар палатасы мен Федералдық сенаттың үштен бір бөлігінің құрамын толығымен жаңартады, аймақтық жаңа депутаттар белгілі болады.

Сайлау әлемдегі төртінші үлкен демократиялық елде билікке солшыл саясаткерді қайтару немесе тым оңшыл қазіргі мемлекет басшысын тағы 4 жылға қалдыру мәселесін шешуге арналған. Бұл саяси додада қазіргі президент Джейр Болсонаро өзінің саяси әріптесі, бұрынғы президент Луис Инасио Лула да Сильваға бәсекелес.

Сайлауға тағы 9 кандидат қатысты, бірақ олардың мүмкіндіктері Болсонаро мен да Сильваға қарағанда, әлсіз.

Соңғы сауалнамалардың нәтижесі бойынша, орталық солшыл Жұмысшылар партиясының қолдауымен топқа түскен Лула да Силва бірінші турда қажетті 50 пайыз дауыс жинай алады.

Сайлауда оңшыл Либералдық партияның өкілі болып табылатын қазіргі президент Джейр Болсонаро шешілмеген дауыстармен алшақтықты жояды деп үміттенеді.

Сайлау науқаны жанжалдармен, кандидаттарды жақтаушыларға шабуылдармен және жаппай наразылықтармен қатар жүріп жатыр.

Бразилияда дауыс беру құқығы бар елдің 156 миллионнан астам азаматы үшін міндетті болып табылады. Қазіргі президент Джейр Болсонаро төрт жыл қызмет еткеннен кейін екінші мерзімге сайланған.

Бірінші кезеңде үміткерлердің ешқайсысы жеңе алмаса, дауыс берудің екінші кезеңі 30 қазанда өтеді.