Бородулиха ауданында мұз айдыны ашылды – ШҚО

ӨСКЕМЕН. ҚазАқпарат – Шығыс Қазақстан облысы Бородулиха ауданында мұз айдыны ашылды, деп хабарлайды ҚазАқпарат тілшісі.

Бородулиха ауданы Петропавловка ауылында 800 шаршы метрлік мұз айдыны ашылды. Өскемен қаласының «Торпедо» хоккей клубы ауыл жастарына 10 хоккей таяқшасы мен 10 коньки сыйлады.

«Алдағы уақытта хоккей командасын ұйымдастыру және аудандық жарыстарға қатысу жоспарлануда. Балалармен қатар, ересектер де бос уақыттарын конькимен сырғанау, хоккей ойнау арқылы тиімді өткізе алады», - деп хабарлады ШҚО әкімінің баспасөз қызметі.

Сондай-ақ Бородулиха ауданында «Зенковка» жастар хоккей клубының тәрбиеленушілеріне ШҚО Дене шынықтыру және спорт басқармасынан 27 жұп коньки және басқа да ойын жабдықтары сыйға тартылды.