Бөрлі ауданында орташа жалақы 184 мың теңгеге жуықтады

ОРАЛ. Қазанның 28-і. ҚазАқпарат /Ғайсағали Ералы/ - БҚО-ның Қарашығанақ кеніші орналасқан Бөрлі ауданында орташа жалақы 183993 теңгеге жетті.

Облыстық статистика департаментінен ҚазАқпарат тілшісіне хабарлағанындай, жан басына шаққандағы ақшалай табыс 122668 теңгені құрады. Ал өмір сүрудің төменгі деңгейі - 13477 теңге. Ауданда тіркелген жұмыссыздар саны - 219 адам.

Бөрлі ауданында қазіргі кезде халық саны 56828 адамға жетті.