USD 435.1 EUR 493.27
RUB 5.69 CNY 68.63
Jańalyqtar

Болгариядағы жол апатынан қаза тапқандар саны 45-ке жетті

2021 жылғы 26 қараша 19:33
Бөлісіңіз:
Болгариядағы жол апатынан қаза тапқандар саны 45-ке жетті

СОФИЯ. ҚазАқпарат – Болгарияның Ұлттық тергеу қызметі мен прокуратурасының тергеушілері жұма күні жанып кеткен автобустың ішін қосымша тексеру кезінде 45-ші адамның мүрдесін тапты. Олар Болгарияда македониялық автобустың апатқа ұшырауына байланысты қылмыстық істі тергеумен айналысып жатыр. Бұл туралы BTV телеарнасы мәлім етті, деп хабарлайды ҚазАқпарат.

Бейсенбі күні прокуратура өкілдері брифингіде оқиға орнында 44 адамның денесінің табылғаны және жеті адамның ауруханаға жатқызылғаны туралы мәлімдеген болтын. Шекара қызметінің деректеріне сәйкес, Болгарияға кірер кезде автобустың ішінде 52 адам болған.

Солтүстік Македония автобусы сейсенбі күні түнде «Стурма» автомагистралінің 31-ші шақырымында Болгария астанасына жақын жерде апатқа ұшыраған. Алдын ала деректер бойынша, Туркиядан Скопьеге бағыт алған туристік автобус ылғал жолдың үстінде бірінші жол қоршауына соғып, одан кейін өртенген. Апаттың мән-жайы зерттеліп жатыр, әзірге негізгі нұсқа – жүргізушінің қателігі.


Біздің каналымызға жазылыңыз:

Бөлісіңіз:

Автор:

Бибіхан Серікова

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT