07:56, 24 Мамыр 2019 | GMT +6
Болгарияда жолаушылар пойызы өртеніп кетті
НҰР-СҰЛТАН. ҚазАқпарат - Бейсенбі күні Болгария астанасы Софиядан Горна Оряховица қаласына бара жатқан жолаушылар пойызы елдің солтүстік-батысындағы Роман қаласының маңында өртенді, деп хабарлайды «ҚазАқпарат» ХАА Nova TV телеарнасына сілтеме жасап.
Алдын ала деректерге қарағанда, локомотивте жергілікті уақытпен 20:00 шамасында өрт тұтанған. Машинистер шұғыл түрде пойызды тоқтатып, отты сөндіруге кіріскен. 300-ге жуық жолаушының барлығы эвакуацияланды. Абырой болғанда ешкім зардап шекпеген.
Оқыс оқиғаның егжей-тегжейі тексеріліп жатыр.
Фото: Global Look Press/Hristo Rusev