«Bolashaq» baǵdarlamasy boıynsha kvotalyq kategorıalar alynyp tastalady
QR Bilim jáne ǵylym vıtse-mınıstri Talǵat Eshenqulovtyń aıtýynsha, basty ózgeristerdiń biri - aǵylshyn tiline qatysty talapty kúsheıtý. Osyǵan baılanysty barlyǵyna birdeı talap qoıylady.
«Biz bir jerde tura almaımyz. Sebebi bilimge qatysty talaptar kúsheıip keledi. Sondyqtan aldaǵy bes jylda «Bolashaq» baǵdarlamasyna birqatar mańyzdy ózgerister engiziledi. Negizgi maqsat - baǵdarlamanyń tıimdiligin arttyrý. Birinshiden, aımaqtyq deńgeıde onlaın testileý bolady. Osynyń arqasynda konkýrsqa qatysý kórsetkishi artady degen boljam bar. Ekinshiden, úmitkerlerdi sapaly túrde irikteý maqsatynda aǵylshyn tiline qatysty talaptar kúsheıtiledi. Atap aıtqanda, magıstratýraǵa túsemin deýshiler úshin IELTS-tiń mejesi 6,1-ge deıin kóteriledi. Úshinshiden, aǵylshyn tiline qatysty talaptardyń kúsheıtilýine baılanysty 2025 jyldan bastap barlyq kvotalyq kategorıalardy alyp tastaıtyn bolamyz», - dedi T.Eshenqulov Úkimet úıinde ótken baspasóz máslıhatynda.