+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

Бокстан конфедерация кубогы: Түркістан облысы финалға шықты

2019 жылғы 7 желтоқсан 12:50
Бөлісіңіз:
Бокстан конфедерация кубогы: Түркістан облысы финалға шықты

АЛМАТЫ. ҚазАқпарат - Бүгін Алматы қаласындағы «Балуан Шолақ» спорт кешенінде бокстан конфедерация кубогының жартылай финалдары өтіп жатыр, деп хабарлайды ҚазАқпарат тілшісі.

Ұқсас жаңалықтар
Нұр-Сұлтанда жеңіл атлетика кешені халықаралық ұйымның сертификатына ие болды Grand Slam: Ғұсман Қырғызбаев әлемдік жарыста 7-ші болды Қазақстанның бірінші ракеткасы Елена Рыбакина Аустриядағы Линц турниріне қатысады

Бүгін жартылай финалда Түркістан және Қарағанды облыстары өзара күш сынасты. Боксшылар сегіз салмақта өзара шеберлік байқасты. Алғашқы жекпе-жекте 52 келіде Түркістан облысынан Сәкен Бибосынов қарағандылық Талғат Сырымбетовті айқын басымдықпен жеңіп кетті. Келесі 57 келі салмақта қарағандылық Рүстем Шауменов түркістандық Қайрат Ерәлиевті, 63 келіде қарағандылық Василий Самчук төрешілердің бірауыздан қабылдаған шешімімен түркістандық Шыныбек Назарбековті тізе бүктірді.

Ал 69 келіде түркістандық Бекдәулет Ибрагимов қарағандылық Бауыржан Асылбековті жеңсе, 75 келіде төрешілер қарағандылық Ерсұлтан Советов түркістандық Бекен Пернеханды жеңгенін мәлім етті. Түркістандық Бек Нұрмағамбет 81 келіде қарағандылық Ердос Нұрқалыны айқын басымдықпен ұтса, 91 келіде түркістандық Абзал Құттыбеков қарағандылық қарсыласы Азамат Жұмабековтен айласын асырды. Ал 91 келіден жоғары салмақта түркістандық Нұрлан Сапарбай қарағандылық Дмитрий Зисконы жеңіп кетті. Осылайша Түркістан облысының құрамасы қарсыласынан 5:3 есебімен басым түсіп, жартылай финалға жолдама алды.

Ал жартылай финалда тағы бір жұпты Нұр-Сұлтан қаласы мен Маңғыстау облысының командалары құрады. Қазір екі команда боксшылары арасындағы алғашқы жекпе-жек аяқталды. Нұр-Сұлтан қаласының боксшысы Азат Махметов маңғыстаулық Қуаныш Дүйсенбайдан басым түсті.

Финалға жолдама алған екі команда ертең, 8 желтоқсанда өзара шеберлік байқасады.

Бокстан Конфедерация кубогы 2010 жылдан бері тұрақты түрде өткізіліп келеді. Бұдан бұрын Маңғыстау облысы үш мәрте жеңімпаз (2012, 2016, 2018) атанса, Нұр-Сұлтан қаласы екі (2010, 2013), Түркістан облысы екі (2015, 2017), Қарағанды облысы бір (2011) мәрте биік тұғырдан көрінді.

Бокстан Конфедерация кубогының топтық кезеңінің жеребесі биылғы жылдың қыркүйек айында тартылған болатын.

Фото: www.kfb.kz

Біздің каналымызға жазылыңыз:

Бөлісіңіз:

Автор:

Әділжан Үмбет

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT