Бокстан Азия чемпионаты: Ибрагимов жартылай финалда ұтылып қалды

АСТАНА. ҚазАқпарат - 64 келі салмақта шаршы алаңға шығатын Бекдәулет Ибрагимов Азия чемпионатының финалына шыға алмады, деп хабарлайды «ҚазАқпарат» ХАА тілшісі.

Біздің боксшыға қарсы Игболжон Холдаров шықты. Қазақстан мен Өзбекстан өкілдері бір күнде үшінші рет рингте кездесіп, ақтық сынға  жолдама үшін айқасты. Бірақ судьялар кезекті рет жеңісті жергілікті боксшыға берді.  

Бекдәулет Ибрагимов Азия чемпионатының қола жүлдегері болды.