Бокстан әлем чемпионатын Қазақстанның қай телеарнасы көрсететіні анықталды
2022 жылғы 9 мамыр 12:31

Бокстан әлем чемпионатын Қазақстанның қай телеарнасы көрсететіні анықталды

ЫСТАНБҰЛ. ҚазАқпарат - Түркияның Ыстанбұл қаласында әйелдер арасында өтетін бокстан 2022 жылғы Әлем чемпионатын Қазақстанның қай телеарнасы көрсететіні белгілі болды, деп хабарлайды ҚазАқпарат.

Қазақстандық жанкүйерлер байрақты додадан тікелей көрсетілімді «Qazsport» телеарнасы арқылы тамашалай алады.

Бұған дейін хабарлағанымыздай, бүгін әлем чемпионаты жалауын көтереді. Дүбірлі додада еліміздің атынан 12 боксшы сынға түседі. Олардың қатарында Назым Қызайбай (50 келі), Жайна Шекербекова (52 келі), Дина Жоламан (54 келі), Карина Ибрагимова (57 келі), Римма Волосенко (60 келі), Аида Әбікеева (63 келі), Дариға Шәкімова (66 келі), Валентина Хальзова (70 келі), Надежда Рябец (75 келі), Гүлсая Ержан (81 келі) және Ләззат Күнгейбаева (81 келіден жоғары) бар.

Ел құрамасынан бүгін Валентина Хальзова кениялық Лорна Куса Симбимен қолғап түйістіреді.

Сондай-ақ қазақстандық боксшылар алғашқы жекпе-жегін Канада, Колумбия, Пуэрто-Рико, Испания, Финляндия, Алжир, Өзбекстан, Түркия және Украина спортшыларына қарсы өткізеді.


Ұқсас жаңалықтар

Jańalyqtar

Үрдіс

MURAǴAT