USD 436.29 EUR 492.83
RUB 5.92 CNY 68.48
Jańalyqtar

Бокстан әлем чемпионаты: Серік Теміржанов жарысты жалғастырады

2021 жылғы 25 қазан 23:02
Бөлісіңіз:
Бокстан әлем чемпионаты: Серік Теміржанов жарысты жалғастырады

НҰР-СҰЛТАН. ҚазАқпарат - Бүгін Сербия астанасы Белград қаласында басталған бокстан әлем чемпионатында қазақстандық Серік Теміржанов алғашқы жекпе-жегін өткізді, деп хабарлайды ҚазАқпарат тілшісі.

Ұқсас жаңалықтар
Әли Ахмедовтің келесі қарсыласы анықталды Тәуелсіздіктің 30 жылдығы: Оралда бокстан ерлер арасында Қазақстан чемпионаты өтеді Ауыр атлетика: Арли Чонтей әлем чемпионы атанды

Қазақстандық боксшы 57 келіде моңғолиялық Энх-Амар Хархуумен қолғап түйістірді. Бірінші раундта шаршы алаң жиегіндегі төрт төреші Серіктің басым түскенін көрсетті. Екінші раундта төрешілер бірауыздан қазақстандық спортшының жеңгенін атап өтті. Үшінші раундта да төрешілер осындай шешімге келді.

Осылайша Серік жарыстың 1/16 финалына жолдама алды.

С.Теміржанов 1998 жылы дүниеге келген. Бұған дейін 2020 жылғы Токио Олимпиадасында бақ сынады.

Сондай-ақ, бүгін тағы бір жекпе-жекте Абылайхан Жүсіпов (67 келі) Тайбэйден келген Ю Линьмен шеберлік байқасады.

Еске салсақ, ұлттық құраманың бас бапкері Қайрат Сәтжанов дүбірлі додада олардан басқа Теміртас Жүсіпов (48 келі), Сәкен Бибосынов (51 келі), Махмуд Сабырхан (54 келі), Саматали Төлтаев (60 келі), Санатали Төлтаев (63,5 келі), Асланбек Шымбергенов (71 келі), Нұрқанат Райс (75 келі), Нұрбек Оралбай (80 келі), Бек Нұрмағамбет (86 келі), Айбек Оралбай (92 келі) мен Нұрлан Сапарбай (92 келіден жоғары) сынды спортшыларға сенім артты.

Биыл әлем чемпионатына 100-ден астам елден 650-ге жуық спортшы келеді. Жарысқа Олимпиада чемпиондары, Азия, Еуропа жүлдегерлері, әлем чемпиондары да қатысады деп күтілуде.

Әлем чемпионаты 6 қарашада мәресіне жетеді.


Біздің каналымызға жазылыңыз:

Бөлісіңіз:

Автор:

Әділжан Үмбет

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT