Бокс: Жүсіпов Азия чемпионатының «алтыны» үшін күреседі

АСТАНА. ҚазАқпарат - Орта салмақтағы қазақстандық боксшы (69 кг) Абылайхан Жүсіпов Өзбекстанда өтіп жатқан бокстан Азия чемпионатының финалына шықты, деп хабарлайды «ҚазАқпарат» ХАА тілшісі.

Жартылай финалда Жүсіповтың қарсыласы осал болмады, ол Моңғолиядан келген Тувшинбат Буамбамен жұдырықтасты. Бірақ, соған қарамастан қазақстандық спортшы қарсыласының шабуылына төтеп беріп, соққылар жаудырып отырды. Нәтижесінде финалға жолдама алды.