+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Блумберг 1,8 млрд долларын жағдайы төмен студенттерге бөлді

2018 жылғы 19 қараша 06:09
Бөлісіңіз:
Блумберг 1,8 млрд долларын жағдайы төмен студенттерге бөлді

АСТАНА. ҚазАқпарат - Бұрынғы Нью-Йорк мэрі әрі миллиардер Майкл Блумберг 1,8 млрд долларын қайырымдылық мақсатта АҚШ-тағы Джонс Хопкинс атындағы университетке бөлді, деп хабарлайды ҚазАқпарат.

«Бұл қадам қаржылық жағдайы төмен дарынды жастардың жоғары оқу орнына қабылдануын көздейді»,- деп мәлім етті Блумбергтің өзі жексенбі күні The New York Times газетінде жарық көрген мақаласында.

«Тек бірлі-жарымы болмаса, барлық колледжде талапкер құжатын ол түскен жағдайда оқу ақысын төлей ала ма, соған қарайды. Олар табысы жоғарыларға орын сақтау үшін әлеуметтік жағдайы төмен отбасынан шыққан талантты үміткерлерден ұдайы бас тартып отырады»,- деп түсіндірді 1964 жылы Джонс Хопкинс атындағы университетті (ғылым бакалаврі) тәмамдаған миллиардер.

76 жастағы Майкл Блумберг 2002- 2013 жылдар аралығында Нью-Йорк мэрі лауазымында болды. Сондай-ақ ол осы аттас қаржылық жаңалықтар агенттігінің негізін қалаған.

Еске сала кетсек, 2017 жылдың соңында Блумберг 50 млн долларын баламалы энергия көзіне ауысу бағдарламасын жүзеге асыруға бөлген.

Нью-Йорк экс-мэрі Америкадағы ең бай адамдардың бірі. 2018 жылғы қаңтарда Forbes журналы оның байлығын 50,8 млрд долларға бағалады.

Біздің каналымызға жазылыңыз:

Бөлісіңіз:
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT