+7 (701) 759 90 19
USD 427.93 EUR 506.71
RUB 5.55 CNY 64.29
Jańalyqtar

Блокпостағы жол апаты: Аман қалған полицей оқиғаның қалай болғанын айтып берді

2020 жылғы 25 қыркүйек 18:51
Бөлісіңіз:
Блокпостағы жол апаты: Аман қалған полицей оқиғаның қалай болғанын айтып берді

АЛМАТЫ. ҚазАқпарат – Алматы облысында BMW көлігімен блокпосты қиратып, 2 полиция қызметкерінің өліміне себепкер болған жүргізушіге қатысты сот жалғасуда, деп хабарлайды ҚазАқпарат тілшісі.

Азат Азаматовқа қатысты істі Қарасай аудандық сотының судьясы Мәди Көшекбаев қарап жатыр.

Бүгін сотта апаттан зардап шеккен 26 жастағы полиция қызметкері, капитан Ербұлан Сейдазымнан түсінік алынды.

Жауап алу кезінде ол сотталушыны танымайтынын мәлім етті. Айтуынша, 24 мамыр кешкі сағат 20:00-де ол кезекшілікке келген. Оқиға таңғы сағат 5-те болған. Ол осы блокпостқа жауапты болғандықтан, көлік қозғалысын қадағалаған. Көлік соқтығысқан кезде Еркебұлан Сейдазым көшеде өтіп жатқан көліктерді планшетпен базадан тексеріп тұрған.

«Блокпоста 12 полиция қызметкері болды. Менің міндетім - оларды 20 минут сайын тексеріп отыру. Апат таңғы сағат бесте болды. Ала-құла қараңғы кез болатын. Көліктердің саны арта бастады. Мен әріптесіме планшет алып келу үшін шатырға кірдім. Сол сәтте жоғары жылдамдықпен ұшып келе жатқан көлікті көрдім, «бетон қоршау бар, ол тоқтайды» деп ойладым. Ары қарай ештеңе есімде жоқ. Бір аптадан кейін, 2 маусымда мен ауруханада есімді жидым. Сол кезде бір-ақ білдім не болғанын «, - дейді Ербұлан Сейдазым.

Полицей моральдық зардапты өтеу туралы талап арызға қатысты әлі ойланатынын айтты.

Еске сала кетейік, біз бұған дейін Азат Азаматовтың өз кінәсін толық мойындағанын жазған болатынбыз.

Бұған дейін қаза болған Дастан Әбдіқановтың әйелі Динара Аман апатқа кінәлі адамнан моральдық зиян келтіргені үшін 37 млн теңге өтемақы талап еткен болатын.

Куәгерлерден жауап алу жалғасып жатыр.


Біздің каналымызға жазылыңыз:

Бөлісіңіз:

Автор:

Алма Мұқанова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT