+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

БҚО орыс драма театрының 162-маусымы жаңа премьерамен ашылды

2020 жылғы 29 қыркүйек 21:18
Бөлісіңіз:
БҚО орыс драма театрының 162-маусымы жаңа премьерамен ашылды

ОРАЛ. ҚазАқпарат – А.Островский атындағы облыстық орыс драма театрының 162-маусымы жаңа премьерамен ашылды, деп хабарлайды ҚазАқпарат тілшісі.

Коронавирус індетіне байланысты үзілістен кейін театр ұжымы Отфрид Пройслердің «Кішкентай Мыстан кемпірін» («Маленькая Баба-Яга») сахналады.

Спектакльді қойған режиссер Руслан Джумахметов.

«Кішкентай Мыстан кемпір» ертегісі балалар, сондай-ақ ересектер үшін де тартымды. Спектакль сахналық көркемделуі мен компьютерлік жарықтандырылуымен ерекшеленеді.

Бас режиссер Оксана Малушаның айтуынша, «Кішкентай Мыстан кемпір» театрдың тұрақты репертуарына енетін болады.


Сонымен қатар көрермендер Николай Гогольдің «Үйлену» («Женитьба») комедиясын (режиссері О.Малуша) да қызыға тамашалады. Шығарма осыдан екі ғасырдай бұрын жазылса да, маңыздылығын жойған жоқ.

Жаңа маусымның ашылуы кезінде театр ардагері, ҚР мәдениет қайраткері, труппа меңгерушісі Илья Тарановқа 55 жасқа толуына орай құрмет көрсетілді.


«Театрда барлық санитарлық-эпидемиологиялық талаптар сақталып отыр, көрермендер саны 50-ден аспайды. Спектакльдер сенбі және жексенбі күндері қойылады. Қазіргі таңда театр Жеңістің 75 жылдығына орай Виктор Розовтың «Мәңгі тірі» («Вечно живые») шығармасы бойынша жаңа қойылымды әзірлеуде», деді Оксана Малуша.

Еске сала кетейік, бұдан бұрын БҚО театрында «Жұбан» спектаклінің қойылғанын жазған болатынбыз.




Біздің каналымызға жазылыңыз:

Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT