БҚО: қонақ әйелді зорламақ болған тұрғын сотталды

ОРАЛ. ҚазАқпарат - Сырым аудандық сотының үкімімен ҚР ҚК 24-бабы 3-бөлігімен, 120-бабы 1-бөлігімен айыпты деп танылған аталған аудан тұрғыны 3 жыл 9 ай мерзімге бас бостандығынан айырылды.

БҚО сотының баспасөз қызметінен түскен мәліметке қарағанда, ол жазасын жалпы тәртіптегі түзету колониясында өтейтін болады. Сот талқысында анықталғанындай, ер адам ауылға қонаққа келген әйелге күш қолданып, зорлауға әрекет жасаған. Алайда, оқиға болған үйдің терезесін біреудің қағуынан ғана ол арам ойын іске асыра алмаған. Үкім заңды күшіне енген жоқ.