БҚО-да зорлықпен өлтірілген 32 жастағы тұрғынның мүрдесі табылды

None
ОРАЛ. ҚазАқпарат – Батыс Қазақстан облысында зорлықпен өлтірілген 32 жастағы тұрғынның мүрдесі табылды, деп хабарлайды ҚазАқпарат тілшісі.

БҚО полиция департаментінің баспасөз қызметінен мәлім еткеніндей, оқиға 21 қыркүйек күні сағат 19.05-те Оралға қарасты Круглоозерный кенті шетінде болды.

«Қоқыс арасынан зорлықпен өлтірілген азиат пішіндес, жасы 30-35-тердегі ер адамның мүрдесі табылды. Кейін оның Казталов ауданының 32 жастағы тұрғыны екені анықталды. Көп ұзамай осы аса ауыр қылмысты жасады деген күдікпен 1999 жылғы тұрғын ұсталды. Қазіргі кезде аталмыш дерек бойынша ҚР ҚК 99-бабы 1-бөлігіне (кісі өлтіру) сәйкес сотқа дейінгі тергеу амалдары жүргізілуде», деп хабарлады ведомстводан.

Еске сала кетейік, бұдан бұрын Орал тұрғынының өзінің досын ұрып өлтіргенін жазған болатынбыз.



Соңғы жаңалықтар