+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

БҚО-да «Жыр дүлдүлі – Марабай» байқауының жеңімпаздары анықталды

2021 жылғы 15 қыркүйек 19:17
Бөлісіңіз:
БҚО-да «Жыр дүлдүлі – Марабай» байқауының жеңімпаздары анықталды

ОРАЛ. ҚазАқпарат – Батыс Қазақстан облысында Марабай Құлжабайұлының 180 жылдығына орай ұйымдастырылған «Жыр дүлдүлі – Марабай» атты аймақтық-республикалық жыршылар байқауының жеңімпаздары анықталды, деп хабарлайды ҚазАқпарат тілшісі.

Марабай жыраудың есімін асқақтату, республиканың батыс өңірінде кенжелеп қалған жыршылық өнерді жандандыру мақсатында Теректі ауданында өткен сайысқа Батыс Қазақстан, Ақтөбе және Қызылорда облыстарынан 6 үміткер қатысып, бақ сынады.

Байқауға белгілі жыршы, Қазақстанның еңбек сіңірген қайраткері, «Парасат» орденінің иегері, Қазақ ұлттық өнер университетінің профессоры, өнер зерттеушісі Алмас Алматов бастаған қазылар алқасы төрелік етті.

Бірінші кезеңде қатысушылар жыр басы мен «Қыз Жібекті», екіншісінде өз қалаулары бойынша жырларды орындады.

Байқау қорытындысында Қызыорда облысынан келген Күнсұлу Түрікпен бас жүлдені жеңіп алды.

Оралдық Сәкен Жанғазиев бірінші, қызылордалық Марат Сүгірбай екінші, ақтөбелік Өмірхан Жетесов үшінші орынға ие болды. Қызылордалық Мәлика Алдамжарова мен батысқазақстандық Еркебұлан Олжағали дипломант атанды.

Жеңімпаз-жүлдегерлер арнайы дипломмен, ақшалай және кәде сыйлықтармен марапатталды.

Мерейтойлық іс-шаралар барысында қонақтар Марабай жырау мүсініне гүл шоқтарын қойып, тағзым етті.

Еске сала кетейік, бұдан бұрын эпик жыршы Марабай Құлжабайұлының 180 жылдығына орай бірқатар шара өтетінін, Абай жоғары бағалаған Марабай жыраудың кеңінен зерттелуі керек екендігін жазған болатынбыз.





Біздің каналымызға жазылыңыз:

Бөлісіңіз:

Автор:

Елжан Ералы

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059

MURAǴAT