БҚО-да жолаушылар кішкентай баламен бірге қар құрсауында қалды

ОРАЛ. ҚазАқпарат – Батыс Қазақстан облысында жолаушылар кішкентай баламен бірге қар құрсауында қалды, деп хабарлайды ҚазАқпарат тілшісі.

Ұқсас жаңалықтар

ШҚО полицейлері жоғалған 19 жылқыны иесіне қайтарды

Алматыда жанармай бекетіне қарақшылық шабуыл жасалды Алматыда жүк көлігі құрғақ субұрқақты қиратып кетті Жылқы іздеп шыққан қостанайлық алты күннен соң табылды

БҚО ТЖ департаментінің баспасөз қызметі мәлім еткеніндей, оқиға 23 ақпан күні Орал-Саратов жолы маңы, Бәйтерек ауданы Зеленый ауылы тұсында болды.

Сағат 14.52-де «Ниссан» автокөлігінің қар құрсауында кептеліп қалғаны жөнінде хабар түсті.

Шақырту орнына жедел жеткен құтқарушылар 4 адамды жылыту пунктіне жеткізді, олардың біреуі – кішкентай бала.

Жолаушылар қар құрсауында үш сағаттай тұрып қалғанын айтып, құтқарушыларға алғысын білдірді.

Сондай-ақ сағат 13.37-де Орал қаласы Ветелки ауылы тұсында жедел жәрдем көлігінің қар құрсауында қалғаны жөнінде мәлімет түсті.

Құтқарушылар көлікті қар құрсауынан шығарды. Адамдарды эвакуациялау кезінде жауынгерлік киімнің белбеуін де пайдаланды. Соның нәтижесінде ешкім зардап шеккен жоқ.

Еске сала кетейік, бұдан бұрын БҚО-да дадала қалып қойған автокөліктердің құтқарылғанын жазған болатынбыз.