+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

БҚО-да жол апатынан 3 адам мерт болды

2019 жылғы 3 қараша 16:23
Бөлісіңіз:
БҚО-да жол апатынан 3 адам мерт болды

ОРАЛ. ҚазАқпарат – Батыс Қазақстан облысында жол апатынан үш адам мерт болды, деп хабарлайды ҚазАқпарат тілшісі.

БҚО полиция департаментінің баспасөз қызметінен түскен мәліметке қарағанда, оқиға 2 қараша күні сағат 20.30-да Орал-Атырау жолының 264-шақырымында болды.

«Фольксваген Шаран» автокөлігі «Мерседес Фура» жүк көлігімен бетпе-бет соқтығысты.

Соның салдарынан «Фольксваген Шаран» автокөлігінің жүргізушісі мен екі жолаушысы (бәрі де – ер адамдар) оқиға орнында көз жұмды.

Соның бірі 30 жасар полиция қызметкері, полиция майоры Айболат Нұрлыбеков еді.

Ол полиция органдарында 2006 жылдан бері қызмет атқарды. Биылғы 29 тамызда Тайпақ полиция бөлімінің бастығы міндетін атқарушы болып тағайындалған еді. Марқұмның соңында жары, 9 және 3 жасар екі ұлы қалды.

«Айболат Нұрлыбеков өте жақсы қызметкер еді. Департамент басшылығы мен жеке құрам марқұмның отбасына қайғырып көңіл айтады», деп хабарлады полиция департаментінің баспасөз қызметінен.

Қазіргі кезде осы оқиғаға байланысты ҚР ҚК 345-бабы 4-бөлігіне сәйкес тергеу амалдары жүргізілуде.

Еске сала кетейік, бұдан бұрын БҚО-да жол апатынан әкесі мен баласы қаза тапқанын жазған болатынбыз.

Біздің каналымызға жазылыңыз:

Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT