12:33, 25 Қазан 2019 | GMT +6
БҚО-да жоғалған екі баланың бірінің денесі табылды
ОРАЛ. ҚазАқпарат – Батыс Қазақстан облысында жоғалған екі баланың бірінің денесі табылды, деп хабарлайды ҚазАқпарат тілшісі.
БҚО ТЖ департаментінің баспасөз қызметінен түскен мәліметке қарағанда, бес жасар баланың денесі бүгін сағат 11.00-де Ақжайық ауданы Жанама ауылы маңындағы Қарасудан (Жайық өзеніне қосылады) табылған.
Оны сүңгуірлер судан алып шықты. Екі жасар баланы іздестіру жалғасуда.
Еске сала кетейік, бұдан бұрын Батыс Қазақстанда ағалы-інілі балалардың жоғалып кеткенін жазған болатынбыз.