БҚО-да жеңіл көлік автобуспен соқтығысты, жүргізуші көз жұмды

ОРАЛ. ҚазАқпарат  - Батыс Қазақстан облысында жеңіл авотокөлік пен автобус түйісіп, салдарынан бір адам көз жұмды, деп хабарлайды ҚазАқпарат тілшісі.

Оқиға 29 қыркүйек күні түс ауа Орал-Атырау күре жолы бойында, Ақжайық ауданы аумағында болды.

Куә болғандардың айтуынша, «Мерседес» көлігі мен Атырауға жеткізілмек болған жаңа автобус соқтығысқан. Сондықтан онда жолаушылар болмаған.

БҚО Ішкі істер департаментінің баспасөз қызметінен мәлім еткендей, жол апаты салдарынан «Мерседестің» жүргізушісі жедел жәрдем келгенге дейін қаза болды, жолаушысы түрлі жарақаттармен ауруханаға жеткізілді.

«Оқиғаның себеп-салдары анықталу үстінде», - деді ІІД-ден.