+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

БҚО-да желден 3 мектептің шатыры ұшып, электр бағандары құлады

2020 жылғы 29 маусым 22:22
Бөлісіңіз:
БҚО-да желден 3 мектептің шатыры ұшып, электр бағандары құлады

ОРАЛ. ҚазАқпарат – Батыс Қазақстан облысында дауылды жел мектептер мен тұрғын үйлердің шатырын ұшырып, электр бағандарын құлатты. ҚазАқпарат бұл туралы БҚО Төтенше жағдайлар департаментінің баспасөз қызметіне сілтеме жасап хабарлайды.

28 маусым күні сағат 17.15-те Шыңғырлау ауданы Ақбұлақ ауылдық округі Тасмола ауылында екпіні секундына 16 метрге дейін жеткен жел орта мектептің 40 шаршы метр шатырын жұлып әкеткен. Екі қабатты ғимараттың жалпы ауданы – 500 шаршы метр. Сонымен қатар 9 жеке үйдің шатырына ішінара зақым келді.

Ал 29 маусым күні сағат 15.50-де Ақжайық ауданы Базартөбе ауылында орта мектептің 180 шаршы метр шатыры сыпырылып түсті. 1976 жылы салынған қос қабатты ғимараттың жалпы ауданы – 1100 шаршы метр. Сондай-ақ Базартөбе ауылдық округі әкімдігі ғимаратының (6 шаршы метр) және 12 жеке үйдің (30 шаршы метр) шатыры зақымдалды.

29 маусым күні сағат 17.12-де Сырым ауданында 16 электр бағаны құлап, соның салдарынан Қособа (126 абонент) мен Жырақұдық (108 абонент) ауылдары жарықсыз қалды. Қособада 5, Жырақұдықта 10 жеке үйдің төбелері бүлінді.

Сағат 13.00-де Тасқала ауданы Оян ауылында орта мектептің 70 шаршы метр шатыры жұлынды. 1974 жылы салынған қос қабатты ғимараттың жалпы ауданы – 2195 шаршы метр.

Қазіргі таңда келтірілген шығын анықталу үстінде.

Еске сала кетейік, Батыс Қазақстанда ауа райына байланысты ескерту жарияланған болатын.


Біздің каналымызға жазылыңыз:

Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT