БҚО-да үздік учаскелік полиция инспекторы белгілі болды

None
None
ОРАЛ. ҚазАқпарат - Батыс Қазақстан облысында үздік учаскелік полиция инспекторы белгілі болды, деп хабарлайды ҚазАқпарат тілшісі.

Облыстық полиция департаментінің баспасөз қызметінен түскен мәліметке қарағанда, «Үздік учаскелік инспектор» байқауы тәртіп сақшыларының беделін көтеру және оларды ынталандыру мақсатында ұйымдастырылды.

Байқаудың бірінші сатысында аумақтық бөлімшелерде үздіктер анықталды.
null

Финалдық сайысқа 13 учаскелік инспектор қатысып, олардың қызмет бабындағы нәтижелері ғана емес, адамгершілік және іскерлік қарым-қабілеттері ескерілді.
null

Инспекторлар атыс және дене дайындығынан, сондай-ақ нормативтік-құқықтық актілерді білу деңгейінен сынға түсті.

Байқау қорытындысында Орал қаласы полиция басқармасы жергілікті полиция қызметі бөлімінің учаскелік инспекторы, полиция майоры Талғат Өксімбаев жеңімпаз атанды.
null

Талғат Жұмагерейұлы ішкі істер органдарында 20 жылдан астам уақыт бойы қызмет етеді. Енді ол шілде айында Нұр-Сұлтан қаласында өтетін республикалық байқауда бақ сынайды.
null

Соңғы жаңалықтар