БҚО-да тұрғын үйде өрт болып, бір адам қаза тапты

ОРАЛ. ҚазАқпарат – Батыс Қазақстан облысында тұрғын үйде өрт болып, бір адам қаза тапты, деп хабарлайды ҚазАқпарат тілшісі.

Ұқсас жаңалықтар

Қызылордада автобус қағып кеткен адам көз жұмды

Өзбекстанда коронавирус жұқтырғандар саны 88 адамға жетті Бельгияда адамнан мысыққа коронавирус жұқты Алматыдағы ауруханадан коронавирус жұқтырған тағы бір азамат емделіп шықты

БҚО ТЖ департаментінің баспасөз қызметінен түскен мәліметке қарағанда, оқиға бүгін түнде сағат 01.27-де Теректі ауданы Покатилов ауылында орын алды.

Абай көшесіндегі тұрғын үйде болған өрт аумағы 48 шаршы метрді қамтыды.

Оқиға орнынан 1975 жылғы әйелдің мүрдесі табылды.

Өрт сөндіруге 4 адам 1 техникамен барды. «Тілсіз жау» сағат 02.42-де құрықталды.

Қазіргі кезде өрттің шығу себебі, үйдің иесі, келтірілген шығын, кінәлі адамдар анықталу үстінде.

Еске сала кетейік, бұдан бұрын Батыс Қазақстанда пішеннің өртенуі жиілеп кеткенін жазған болатынбыз.