Қолданушы баптаулары
Қолданушы баптаулары
+7 (701) 759 90 19 Лента
USD 383.69 EUR 429.08
RUB 5.97 CNY 55.39
Jańalyqtar

БҚО-да тағы екі адам суға кетті

2019 жылғы 19 мамыр 16:07 1057
Бөлісіңіз:
БҚО-да тағы екі адам суға кетті

ОРАЛ. ҚазАқпарат - Батыс Қазақстан облысында тағы екі адам суға кетті, деп хабарлайды ҚазАқпарат тілшісі.

БҚО ТЖ департаментінің баспасөз қызметінен түскен мәліметке қарағанда, қайғылы оқиғаның біреуі Қаратөбе ауданында 17 мамыр күні орын алды.

Қаратөбе ауылдық округінде 2007 жылғы бала (6-сынып оқушысы) сағат 21.30-да Қалдығайты өзеніне батып кеткен. Ол шомылуға жабдықталмаған жерден суға түскен әрі жеке құтқару құралы болмаған. Марқұмның денесі ТЖ қызметкерлерінің күшімен 22.35-те шығарылды.

Екінші оқиға 15 мамыр күні Бәйтерек ауданы Макаров ауылында болды. 1995 жылғы өзбекстандық азамат сағат 20.20-да Шаған өзенінен шықпай қалған. Жеке құтқару құралы болмаған ол да шомылуға жабдықталмаған жерден түскен.  Құтқарушылар оның денесін 21.30-да алып шықты.

Еске сала кетейік, бұдан бұрын Ақжайық ауданында балық аулауға барған ер адамның суға кеткенін жазған болатынбыз.

Жалпы, Ақжайық ауданында биыл төрт адам суға кетсе, соның біреуі - 2008 жылғы оқушы.

 

 

 

Біздің каналымызға жазылыңыз:

Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
MURAǴAT