+7 (701) 759 90 19
USD 397.56 EUR 445.94
RUB 5.82 CNY 55.96
Jańalyqtar

БҚО-да шектеу шаралары енгізілгеннен бері 88 адам жауапқа тартылған

2020 жылғы 3 сәуір 22:30
Бөлісіңіз:
БҚО-да шектеу шаралары енгізілгеннен бері 88 адам жауапқа тартылған

ОРАЛ. ҚазАқпарат – Батыс Қазақстан облысында карантиндік шектеу шаралары енгізілгеннен бері 88 адам жауапқа тартылды, деп хабарлайды ҚазАқпарат тілшісі.

БҚО полиция департаментінің ресми өкілі, полиция полковнигі Болатбек Белгібековтің айтуынша, кешеден бері бүгін 18.00-ге дейін өңірде осыншама адамның төтенше жағдай талабын бұзғандығы анықталды.

Оларға ҚР Әкімшілік құқық бұзу кодексі 476-бабы 6-тармағына сәйкес әкімшілік хаттама толтырылды. Бұл бап бойынша әкімшілік жауапқа тартылғандарға 10 АЕК көлемінде айыппұл салынады немесе 15 тәулікке қамаққа алынады.

«Карантин кезінде барлық азаматтардан орнатылған тәртіпті сақтап, полиция қызметкерлерінің заңды талабына бағынуды сұраймыз. Блокпостардан бірінші кезекте қажетті тауарлар тиелген жүк көліктері өтеді. Жеке көліктер құжаттары дұрыс болған жағдайда кезек бойынша жіберіледі. Мұндайда кезектің де орын алатыны белгілі. Сондықтан осының бәріне түсіністікпен қараған жөн. Ең бастысы, қауіпсіздік талаптарын сақтап, жұмысқа бармайтын тұрғындардың аса қажеттілік туындамаса, өз үйлерінен шықпағаны дұрыс», - деді ҚазАқпарат тілшісіне Б.Белгібеков.

Еске сала кетейік, бұдан бұрын БҚО-да мыңнан астам адам бақылауда екенін, төтенше жағдай талабын бұзған ақтөбелік жүргізушінің қамауға алынғанын жазған болатынбыз.



Біздің каналымызға жазылыңыз:

Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT