+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

БҚО-да шекарада санитарлық қадағалау шаралары күшейтілді

2021 жылғы 15 қазан 13:22
Бөлісіңіз:
БҚО-да шекарада санитарлық қадағалау шаралары күшейтілді

ОРАЛ. ҚазАқпарат – Батыс Қазақстан облысында көршілес Ресейде коронавирус жұқтырушылардың көбеюіне байланысты шекарада санитарлық қадағалау шаралары күшейтілді, деп хабарлайды ҚазАқпарат тілшісі.

Ұқсас жаңалықтар
БҚО-да жоғалып кеткен ер адамның денесі Жайық өзенінен табылды Биыл ПТР анықтамасыз келген 54 шетелдік шекарадан өз еліне қайтарылды

БҚО санитарлық-эпидемиологиялық бақылау департаментінің басшысы Мұхамғали Арыспаевтың өңірлік коммуникациялар қызметі алаңында өткен брифингіде мәлім еткеніндей, қазіргі кезде мемлекеттік шекарада санитарлық эпидемиолог мамандар күшейтілген режимде жұмыс істеп жатыр.

Оның айтуынша, 1 қазаннан бері мемлекеттік шекарадан 455 жолаушы анықтамасыз өткен. ПТР әдісімен алынған тест бұл адамдарда коронавирус жоқтығын көрсетті. Ал халықаралық жүк тасымалымен айналысатын, анықтамасы болмаған 1089 жүргізушінің біреуінен коронавирус табылды.

Эпидемиологиялық жағдайды бағалау матрицасы бойынша сары аймақта тұрған облыста қазан айында 758 адамның індет жұқтырғаны анықталды. Соның ішінде 436-сы (58 пайыз) ЖРВИ белгілерімен тексерілсе, 206-сы (27 пайыз) бұрын ауырғандармен байланыста болған. 108-і (14 пайызы) профилактикалық мақсатта, 8-і (1 пайыз) эпидемиологиялық қадағалау кезінде қаралған.

Бұлардың басым көпшілігі – вакцина алмағандар.

Жас ерекшеліктері бойынша коронавирус жұқтырушылар 41-60 жас аралығында (208) көп болып отыр.

Соңғы аптада (8-14 қазан) алдыңғымен (1-7 қазан) салыстырғанда, ауру жұқтыру көрсеткіші 6,1 пайызға (391-ден 367-ге) төмендеді.

«1 қазаннан бері 135 оқушы және 31 педагогтан коронавирус табылды. Сондай-ақ колледждерде 8, ЖОО-да 8 студент тіркелді. Күні бүгін 8 мектепте 11 сыныптың оқушылары мен мұғалімдерін үй карантиніне көшіру туралы 10 қаулы шығарылды», деді М.Арыспаев.

Еске сала кетейік, бұдан бұрын БҚО-да он мектепте 12 сыныптың карантинге жабылғанын, үйінде оқшаулану талабын бұзғандар 6 млн теңге айыппұл төлегенін жазған болатынбыз.


Біздің каналымызға жазылыңыз:

Бөлісіңіз:

Автор:

Елжан Ералы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT