+7 (701) 759 90 19
USD 448.01 EUR 495.86
RUB 5.64 CNY 63.19
Jańalyqtar

БҚО-да «Шаран» автокөлігі өртеніп кетті

2020 жылғы 15 наурыз 16:18
Бөлісіңіз:
БҚО-да «Шаран» автокөлігі өртеніп кетті

ОРАЛ. ҚазАқпарат – Батыс Қазақстан облысында «Шаран» автокөлігі өртеніп кетті, деп хабарлайды ҚазАқпарат тілшісі.

Ұқсас жаңалықтар
Алматыда троллейбус әйел адамды қағып кетті Қазақстанның батыс аймақтарында және Қызылорда облысында коронавирус тіркелген жоқ БҚО-да мас жүргізуші айдаған автокөлік аударылып, үш адам зардап шекті

БҚО ТЖ департаменті зілзалалардың қауіп-қатерін азайту және азаматтық қорғау саласындағы бақылау басқармасының бастығы Ерлан Төрегелдиевтің айтуынша, оқиға 14 наурыз күні Теректі ауданы Долинный ауылы тұсында орын алды.

Сағат 08.20-да Подстепный-Елек жолы бойында газбен жабдықталған «Volkswagen Sharan» автокөлігі отқа оранды.

Өрт сөндірушілер (5 адам, 1 техника) уақтылы барып, «тілсіз жау» 08.50-де ауыздықталды.

Зардап шеккендер жоқ.

Қазіргі кезде өрттің шығу себебі, келтірілген шығын, кінәлі адамдар анықталу үстінде.

«Автокөліктің газды отынмен жұмысқа жаппай көшірілуіне, сонымен қатар азаматтардан арыз-шағымның көбеюіне байланысты өткен жылдың желтоқсанында өрт қауіпсіздігі ережесіне өзгеріс енгізілді. Былайша айтқанда, газ баллонымен жабдықталған автокөліктерге тұрғын үйлер мен қоғамдық ғимараттарға таяу орын тепкен жабық тұрақтарға кіруге тыйым салынды. Өкінішке қарай, автокөліктерді газбен жабдықтаған кезде қауіпсіздік талаптары сақтала бермейді (автокөлік иелерінің өтінішіне сәйкес артық қысымды реттейтін тетіктер орнатылмайды). Бұл газ баллонының жарылуына әкеледі», деді ҚазАқпарат тілшісіне Е.Төрегелдиев.

Еске сала кетейік, бұдан бұрын Оралда автокөлік мотоциклмен соқтығысып, екі адамның жарақат алғанын жазған болатынбыз.



Фото: mgorod.kz

Біздің каналымызға жазылыңыз:

Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT